Presideʹntt Stubb kuõʹssai Uccjooǥǥâst da Aanrest

17.05.2024

Tääʹssvääʹld presideeʹnt kanslia
Teâđtõs 29/2024
17.5.2024

Tääʹssvääʹld presideʹntt Alexander Stubb kuõʹssai Lappist Uccjooǥǥâst da Aanrest 23.–24. peeiʹv 2024.

Kuõʹssjummuš älgg Uccjooǥǥ Nuorgamist 23. peeiʹv vueʹssmannust. Presideʹntt Stubb tobdstââtt Nuorgam vueʹllškoouʹle da lij škooulniiʹǩǩi mainstâʹttemnalla. Škooulâst kuõʹssjem mâŋŋa presideʹntt kaaunââtt peiʹvvporrmõõžž ääiʹj Uccjooǥǥ kååʹdd njonnžin da puäʒʒeeʹžždivuiʹm. Saǥstõõllâmnalla lie voudda da jieʹllemvuõʹjjid kuulli ääiʹjpoddsaž ääʹšš.

Presideʹntt Stubb kaaunââtt meerlaivuiʹm Uccjooǥǥ Sijddpõrtt Giisást nuʹtt čiâss peäʹl kuõiʹt ääiʹj ääʹljeeʹl.

Jeäʹǩǩespeeiʹv presideʹntt Stubb kuõʹssai Kevo meermieʹccest. Prograammâst lij tobdstõõttmõš Lappi tuʹtǩǩeemstrooiʹtel Kevo ǩeʹddsâjldõʹǩǩe, saǥstõõllmõõžž Meäʹcchalltõõzz eeʹttkõʹsttjivuiʹm di meäʹccreiss.

Piâtnâc 24. peeiʹv vueʹssmannust presideʹntt Stubb kaaunââtt Aanrest Sääʹmteeʹǧǧ eeʹttkõʹsttjivuiʹm da aǥstââll sijvuiʹm ääiʹjpoddsaž säʹmmlaid kuõskteei kõõččmõõžžin. Presideʹntt jeäll še eeʹjj euroopplaž museon vaʹlljuum Sääʹm-museo da luâttkõõskõs Siidast.

Âʹvvlest presideʹntt kaaunââtt Aanar kååʹdd njonnžin da saǥstââll sijvuiʹm Tâʹvv-Lappi vuuʹd ääiʹjpoddsaž kõõččmõõžžin. Presideʹntt kaaunââtt še Aanar paalǥâskooʹddi eeʹttkõʹsttjivuiʹm.

Lappi-kuõʹssjummuš poott Âʹvvel škooul- da kulttuurkõõskõs Kaarre šeelljast, koʹst presideʹntt kaaunââtt meerlaivuiʹm nuʹtt čiâss 14.30.