President Stubb kuállee Ucjuuvâst já Anarist

17.05.2024

Täsivääldi president kanslia
Tiäđáttâs 29/2024
17.5.2024

Täsivääldi president Alexander Stubb kuállee Laapist Ucjuuvâst já Anarist 23.–24. vyesimáánu 2024.

Kollim álgá Ucjuv Njuárgámist tuorâstuv 23. vyesimáánu. President Stubb uáppáásm Njuárgám vyeliškoovlân já uáppeeh uážžuh sahhiittâllâđ suu. Škovlâkollim maŋa president tiäivá koskâpeivimálásist Ucjuv kieldâ njunošijd já puásui-išedijd. Savâstâllâmfáddán láá kuávlun já iäláttâssáid lohtâseijee äigikyevdileh ääših. President Stubb tiäivá almolávt ulmuid Ucjuv Kylátáálu Giisást suulân tijme 13.30 rääjist. Eehidpeeivi president Stubb kuállee Kiävu luándumeecist. Ohjelmist láá uápásmem Laapi tutkâmlájádâs Kiävu kieddisajattâhân, savâstâlmeh Meccihaldâttâs ovdâsteijeiguin sehe väzzimmokke.

Vástuppeeivi 24. vyesimáánu president Stubb tiäivá Anarist Sämitige ovdâsteijeid já savâstâl siiguin äigikyevdilijn aašijn, moh kyeskih sämmiláid. President uáppáásm meid ive eurooplâš museon väljejum Säämimuseo já luándukuávdáš Siidan.

Avelist president tiäivá Aanaar kieldâ njunošijd já savâstâl siiguin Tave-Laapi kuávlu äigikyevdilijn koččâmušâin. President tiäivá meid Aanaar palgâsij ovdâsteijeid.

Laapi kollim nohá Avveel škovlâ- já kulttuurkuávdáš Kaarre šiiljon, kost president tiäivá almolávt ulmuid suulân tme 14.30.