Määŋgtåimmpõrtt Kuulas sââʹjjvaʹrrjummuž

Määŋgtåimmpõrtt Kuulas sââʹj liâ vaʹrrjemnalla määustaa õhttõõzzid, kåʹddorganisaatio tåimmjid da jeeʹres tåimmjid, kook veʹǩǩe ooudâs kååʹdd jieʹllemviõǥǥ, õhttsallašvuõđ, vuässadvuõđ da liâ puåtti viõǥǥtõõlteʹmes takainalla äukkai tåimmai. Še jeeʹres ǥu ooudbeäʹlnn peäggtum tåimmai vueiʹtte vuoʹkrjed sõõʹjid âânnmõʹšše viõǥǥâst åårrai hâʹddliist meâldlânji. Sââʹj liâ ââʹnnemnalla juõʹǩǩ neäʹttelpeeiʹvi poodd čiâss 8.00 - 22.00 kõskksaž äiʹǧǧen.

Määŋgtåimmpõrtt Kuulas sõõʹjid vuäitt vaʹrrjed jeäʹrbi mieʹldd puõʹtti pooddid:

• Õhttõõzzi såbbar
• Šõddmõõžž
• Škooultõõzz
• Staarjõõtti noorõõttmõõžž
• Uʹccmallsa čuäjtõõzz
• Joukktåimmjummuš (juõʹǩǩ ââʹǩǩjooukid)

Määŋgtåimmpõõrtâst liâ še jeeʹres šoora sââʹj, koin vuäitt jäʹrjsted tåimmjummšid. Määŋgtåimmpõõrtâst tåimm arggpeeiʹvi poodd čiâss 10.00 - 13.00 Vuässadvuõttkõõskõõzz jõnn Åårramlõnnj-sââʹjj (jõnnkäʹrddsââʹjj), kååʹtt tåimm õhttsallšiʹžžen, pukid ääv noorõõttâmsââʹjjen. Ǩii täättas vuäitt jäʹrjsted sââʹjest tåimmjummuž še täʹl, jõs tåimmjummuš lij pukid äävai. Åårramlõnnj/jõnnkäʹrddsââʹj vuäitt vaʹrrjed še õhttõõzz da leʹbe jeeʹres tåimmai âânnmõʹšše arggpeeiʹvin čiâss 15.00 mâŋŋa leʹbe neäʹttel-looppin vääʹldeeʹl lokku sõõʹjin jeeʹres vueiʹtlvaž âânnmõš. Sõõʹji tääʹrǩab aʹrvvõõzzid kaaunak õõʹni raʹvvjõõzzâst, liŋkk neʹttseeid looppâst. Lââʹssen âânnmõõžžâst liâ sååbbarsââʹj Tupasvilla da Kanerva di Suopursu, kook liâ kulttuurtååim čeäppõsčuäʹjtemsââʹjest. 

Kuulas sõõʹjin lij straaŋgteʹmes interneʹtt-õhttvuõtt. Pieʹǩǩin jõnnkäʹrddsõõʹjin lij jiõn seʹrddemriâžldõk leʹbe induktiokåʹǧǧ. Laiʹnnʼjemnalla lij še videopuʹsǩǩ. Vääʹld lokku, što aparaatti/neävvai âânnmõõžž teeknlaž tuärjj ij kuul sââʹjjvaʹrrjummšid. 

Määŋgtåimmpõrtt Kuulas sââʹj vaʹrrjet teʹlfoonin Eija Lager teʹl 040 159 6474 leʹbe neʹttpååʹštin addrõõzzâst eija.lager@inari.fi. Sõõʹjid ij vueiʹt vaʹrrjed aazztemsââʹjjen di ij-ni piârjuuʹhlid, ǥu täk kääzzkõõzz liâ vuäǯǯamnalla pääiklaž põõrǥâsniiʹǩǩi tååimast. Ǩiõčč pååđsõõʹjid Pedaneeʹtt kalenteeʹrest.

Iʹlmmed juʹn vaʹrrjemteâđstõõllmõõžž raajeen täid teâđaid.

• Vaʹrrjummuž nõmm
• Vaʹrrjummuž vaʹstteei oummu õhttvuõđteâđ (nõmm, teʹlfoon-nââmar da neʹttpååʹštaddrõs) di vueiʹtlvaž õhttõs leʹbe jeeʹres vueʹssbieʹll, koon nõõmâst tuejjääk vaʹrrjummuž
• Vaʹrrjemnalla åårrai sââʹjj
• Ääiʹjpodd: neäʹttelpeiʹvv, peiʹvvmieʹrr da čiâssäiʹǧǧ, kuäʹss jiõčč tåimmjummuš/sååbbar älgg da poott.
• Vääʹld lokku vaʹrrjummuž tuejjeen, jõs tåimmjummšad taarbaš samai kuʹǩes valmštõõllâmääiʹj leʹbe loppčiistmõõžž
• Kuulas Määŋgtåimmpõõrtâst liâ liâdgglookk, koid sõõʹji õõʹnni vuäǯǯ liâđǥlaž jååʹttemlokkčouddi. Tääʹrǩab teâđaid vuäǯǯak sââʹjjvaʹrrjummuž õhttvuõđâst.
• Ǩiõčč tääiʹben õõʹni raʹvvjõõzz.
   

Jeeʹres Määŋgtåimmpõrtt Kuulas sõõʹji vaʹrrjummuš

• Liikkeemkueʹrnec, taʹnss- da joogakueʹrnec: Tuija Mikkonen / tuija.mikkonen@inari.fi
• Kulttuurklass da čeäppõsčuäʹjtemsââʹjj: Mirja Karjalainen / mirja.karjalainen@inari.fi
• Meerlažškooul sââʹj: Jyrki Kivi / jyrki.kivi@inari.fi