Stuárráámus já muččâdumos

Aanaar kieldâ lii Suomâ stuárráámus, paijeel 17 000 km2. Čäcivijđodâh lii paijeel 2 000 km2,
Mast Aanaarjäävri uási lii suullân peeli. Tuháttij jaavrij já suollui kooskân šiettih
čyeđeh tuoddâreh, moh hämmejeh profiilijnis enâduv.

Moodeern já dynaamisâš

Iveaigij čielgâ molsâšumeh pyehtih hástusijd, mut meiddei máhđulâšvuođâid. Aanaar lii pyereest ávhástâllâm iäláttâselimist áinoošlajâsâš jiešvuođâidisguin. Ärbivuáválâš iäláttâsâi paaldâst el. kolmâteknologia já arktisâš luándutuurism ovdedem lává tehálâš uási Aanaar kieldâ onnáá peeivi já puátteevuođâ. Ohtsâšpargoost jieškote-uv suorgij mätteeh ja páiháliih irâtteijeeh láá toohâm ohtânmaanoost ovdáneijee palvâlusâi viärmáduv, mii addel máhđulâšvuođâ maaŋgâpiälásâš tooimân já turismân Aanaar kieldâst. Ijâstâllâmmolsâiävtuh láá uccâ kylážij meccituuváážijn Suáluičielgi tuurismkuávdáá huušân.

Maaŋgâkielâlâš já -kulttuurlâš

Sämmilâšvuotâ lii uási Aanaar kieldâ maaŋgâkulttuurlâš ärbivyevi. Sämmiliih láá algâaalmug, kiäin lii jieijâs ivnáás kulttuur, kielâ, identiteet já historjá. Aanaar lii Suomâ áinoo neeljikielâsâš kieldâ, mast suomâkielâ lasseen sárnoo aanaar-, nuorttâ- já tavesämikielâ.

Kulttuurlávt riges já áinoošlajâsâš sämmilâšvuotâ lii tehálâš uási aanaarlâšvuođâ. Tááláá ääigi sämmilâšvuotâ ovtâstuvá vuohâsávt tradition. Puásuituálu, tyeji kuálástus já meccipivdo láá ain-uv teháliih, mut paaldân láá meiddei pajanâm eres-uv iäláttâsah. Säämi kulttuur lii jo ärbivuáválávt aalmugijkoskâsâš. Säämi aalmug áásá neelji väldikoddeest: Suomâst, Ruotâst, Taažâst já Ruošâst.

Riges luándustis

Aanaar mecciluándu ocá jieijâs viärdásii maailmist. Maaŋgâpiälásiih nelji iveääigi fäälih vájálduuhánnáá vuáttámušâid: piäiváš ijâttis iijâ keesist, čoovčâ šliäđgoo iivneh ruškeest, putes muotâ já jieŋâ tälviv, luándu acâkkistem já koccám kiđđuiv.
Legendaarlâš Lemmee já Avveeljuuvâ kollekuávluh kiäsutteh turistijd luhoucâmân já šävvee kuoškah koččoh meccijottee vájálduuhánnáá fiäránistmân. Hormišis já toovlâš Äijih Aanaarjäävrist loptee kunnijâttâm mađhâšeijest. Lemmee aalmuglâšmecci já vandârdemkiäinuh fäälih áinoošlajâsâš tile luánduturismân já vaandârdmân. Jieŋŋiis skaamâ väldidem tälvienâduvân piäsá uápásmuđ vijđes saaveehlätteeviärmáduv pehti, tâi kiälkkásafarij liävtust ain Jieŋâmeerâ räi.Aktiivlâš Aanaar šadda luándu iävtuiguin. Kievrâs já hormišis luándu lii Aanaar vyeimivuárkká, mii aitârduvvoo stuorrâ váimoin.


Aanaar lii kievrâ luándustis.

Aanaar kieldâ tieđettemčáálus

Luođii Aanaar kieldâ tieđettemčáálus 

Tieđettemčáálus, suomâkielân
Tieđettemčáálus, anarâškielân
Tieđettemčáálus, tavesämikielân
Tieđettemčáálus, nuorttâlâškielân
Tieđettemčáálus, eŋgâlâskielân
Tieđettemčáálus, saksakielân
Tieđettemčáálus, ranskakielân
Tieđettemčáálus, tárukielân
Tieđettemčáálus, ruošâkielân
Tieđettemčáálus, japani
Tieđettemčáálus, kiina