Tiervâpuáttim Aanaar kieldâlâžžân

Mij lep iloliih ko lep finnim Tuu Aanaar kieldâ ässen. Mij vuolgâttep uđđâ kieldâláid Aanaar kieldâ Tiervâpuáttim Anarân -värrejeijeekampanja peht tiervâpuáttimreeivâ, mast lii persovnlâš Aanaar-passâ já kieldâtieđettemčáálus. Vâi finniih jieijâd tiervâpuáttimreeivâ, ama tiävdáh vuoluubeln almottâttâmluámáttuv, ko mij kieldâst ep luándulávt finnii automaatlávt tiäđu uđđâ kieldâlijn. Aanaar-passáin uážuh kiävtun Aanaar kieldâ aalmuglâšopâttuv, lihâdemtooimâ já kulttuurtooimâ palvâlusâid ive 2021 ääigi. Kampanjast meriduvvoo ihásávt já paasâst láá ravvuuh ton kevttimân. Aanaar-passâ lii uáivildum ive 2021 kieldân varrim ulmuid.

Mij halijdep faallâđ puoh kieldâláid puorijd aldapalvâlusâid sehe puorijd iävtuid porgâmân, iirâtmân já asâmân.

Aanaar kieldâ tubdâldâh lii “Kievrâ luándustis ”, mii valdâl kieldâ uáli maaŋgâ náálá. Aanaar riggodâhhân lii ovdil lamaš já lii ain maaŋgâkulttuurlâšvuotâ. Mij tuáivup, ete pyehtip rähtiđ tuin Anarist ohtâsii puátteevuođâ suogârdâlân já puátteevuotân oskon. puátteevuođâ hástusijn cevzip ilolijn mieláin já virkkuus toimâiguin.

Aanaar kieldân lii eromâš tehálâš kuullâđ tuu uáivil uđđâ päikkikieldâstâd. Ohtâ vyehi vuolgâttiđ viestâ láá uđđâ päikkikieldâd www-siijđoh čujottâsâst www.inari.fi. Mij lep tiäđust-uv valmâšeh išediđ asâidume kieldâ toimâiguin meiddei kieldâtáálust já eres kieldâ palvâlusâin.

Tiervâpuáttim uđđâ päikkikieldân Anarân!

Toni K. Laine
kieldâhovdâ

Lasetiäđuid värrejeijeekampanjast adelává viestâdemhovdâ Anne-Marie Kalla, anne-marie.kalla@inari.fi já ovdedemkoordinaattor Marja Männistö, marja.mannisto@inari.fi.

Almottâttâmluámáttâh

Mun lam ive 2021 Anarân varrim fastâ ässee. Tain luámáttuvváin mun tiiláám olssân já muin varrim perruujesânáid värrejeijeeskeeŋkâ. Mun tähidâm, ete mun lam fastâ Aanaar kieldâlâš adai must lii vuoigâdvuotâ finniđ kieldâ tiervâpuáttimskeŋkkân 50 euro árvusii Aanaar-paasâ ihán 2021. Taat kampanja ij kuoskâ koskâpuddâsávt Anarist ässeid tâi ovdil ive 2021 varrim ässeid.