Äššilistoh já pevdikirjeh (suomâkielân)

Virgehaldâšeijeemiärádâsah (suomâkielân)

Epivirgáliih miärádâsluvâttâlmeh (suomâkielân)

Kieldâlaavâ 1 § mield kieldâ meridemvääldi kiävttá ässei valjim jyehi niäljád ive valjimnáál váldustivrâ. Aanaar váldustiivrâst láá 27 vaaljâin väljejum jesânid. Váldustiivrâ čuákkimeh láá ávus aalmugân. Váldustivrâ čokkân suullân 6 - 8 kerdid ivveest. 

Kieldâstiivrâ pargon lii huolâttiđ kieldâ piäiválii porgâm já miärádâstoohâm njyebžilvuođâst. Kieldâstiivrâst láá 9 jesânid. Lasseen kieldâstiivrâ čuákkimáid uásálisteh váldustiivrâ saavâjođetteijeeh. Kieldâstivrâ čokkân merikoskâsávt kuohtii máánust, táárbu mield täävjib-uv.

Lasseen kieldâhaldâttâhân kuleh jieškote-uvlágán lävdikodeh. Aanaar kieldâst tuáimih tarkkumlävdikodde, čuovviittâslävdikodde, sosiaal- já tiervâsvuotâlävdikodde, teknisâš lävdikodde sehe eellimnahcâlävdikodde.

Sosiaal- já tiervâsvuotâlävdikodde čokkân jyehi mánuppaje niäljád majebaargâ, táárbu mield meiddei eres aaigij.

Čuovviittâslävdikode čuákkimeh láá válduášálávt mánuppaje kuálmád koskoho.

Eellimnahcâlävdikode čuákkim lii jyehi mánuppaje nube vuossaargâ.

Tarkkumlävdikodde čokkân suullân čiččii ivveest.