Čuovviittâspalvâlusah

Váldustiivrâ tuhhiittem haldâttâhnjuolgâdus mield čuovviittâslävdikode toimâsuárgán kuleh:

• vuáđumáttááttâslaavâ miäldásâš ovdâ- já vuáđumáttááttâs
• vuáđumáttááttâslaavâ miäldásâš škovlâlij iiđeed- já eehidpeivitoimâ
• luvâttuhlaavâ miäldásâš luvâttuhškovlim
• áámmátlâš škovlim
• rijjâ čuovviittâspargoost já taiđuu vuáđumáttááttâsâst adelum laavâi miäldásâš škovliittâs
• kirjeráju- já tiätupalvâlusah, kulttuurtoimâm, lihâdemtoimâ já nuorâipargo
• škoovlâi vuáđudem já luáptim budjetarvâlus já toimâvuávám miäldásávt
• arâšoddâdem

 

Arâšoddâdem

Toimâm kuávdáš siskáldâs

Laavâst asâttum kieldâlii arâšoddâdem ornim vuálá škovlâahasâš párnáid párnáá jieijâs eenikiellân (suomâ-, ruotâ- tâi sämikielân) peivikiäčču- tâi perâpeivikiäččutipšomin.

• Mávsuttes ovdâmáttááttâs ornim 6-ihásâš párnáid Suáluičielgi peivikiäjust.
• Párnái päikkitipšotoorjâ (Kela) já päikkitipšotorjuu kieldâlase kieldâ meridem iävtuiguin vuálá 2-ihásâš párnáid já sii obbijd já viljáid.
• Anarâškielâlii kielâpiervâltoimâm (1.8.2021 rääjist) já nuorttâlâškielâlii kielâpiervâltoimâm ornim statâtoorjâruttâdmáin (85%).
• Škovlâlij vuáru- je. tipšom ornim kieldâ meridem iävtuiguin 1-2 luoka uáppeid.

Ovdâ- já vuáđumáttááttâs

Toimâm kuávdáš siskáldâs

• Vuáđumáttááttâslaavâ vaattâm ovdâ- já vuáđumáttááttâs sehe vuáđumáttááttâs maŋalii lasemáttááttâs adeluvvoo kieldâ neelji škoovlâst:

1. Aanaar škoovlâ, ovdâmáttááttâs já vuáđumáttááttâs iheluokah 1-9, rehtor puh. 0400 232 662
2. Avveel vyelitääsi škovlâ, ovdâmáttááttâs já vuáđumáttááttâs iheluokah 1-6, eromâšmáttááttâs uccâluokaš iheluokkaid 1-6, rehtor puh. 0400 243 721
3. Avveel pajetääsi škovlâ, vuáđumáttááttâs iheluokah 7-9 já lasemáttááttâs, eromâšmáttááttâs uccâluokaš iheluokkaid 7-9, rehtor puh. 040 561 1357
4. Čevetjäävri škoovlâ, ovdâmáttááttâs já vuáđumáttááttâs iheluokah 1-9, rehtor puh. 040 154 7220
5. Ovdâ- já vuáđumáttááttâsâst máttááttâskiellân kiävttojeh suomâkielâ lasseen anarâškielâ, nuorttâlâškielâ já tavesämikielâ.

Luvâttuhškovlim

Toimâm kuávdáš siskáldâs

Avveel luvâttâh lii almosčuovviitteijee nube tääsi oppâlájádâs, mast oppâm pyevtit uáppeid jotkâuápputohálâšvuođâ ollâtääsi uáppoid.

Aassâmpäikkikode jieijâs luvâttâh tuárju nuorâi otânâššâm já identiteet ovdánem ei. falâmáin máhđulâšvuođâ oppâđ anarâš-, nuorttâlâš- já tavesämikielâid eenikiellân.

Avveel luvâttâh parga ohtsâšpargo Säämi máttááttâskuávdáin já oppâlájádâsah fäälih oovtâst uáppeid máhđulâšvuođâ čođâldittiđ luvâttuv oppâmere, pajeuáppeetotkos já áámmátlii vuáđutotkos.

Luvâttuv rehtor, puh 040 561 1357

Astoäigipalvâlusah

Aalmugopâttâh

Aanaar aalmugopâttuv pargon lii olášuttiđ ässei tárboid vuáđuduvvee, puohâi juksâmist leijee almosčuovviitteijee škovliittâs, mii addel máhđulâšvuođâ jieijâs jiešráđálâš oovdedmân, eellimahasâš oppâmân, oppâmtááiđui já aalmugjeessânkiärgusvuođâi oovdedmân sehe tuárju fyysisii, psyykkisii já sosiaallii pyereestvaijeem.

Aalmugopâttuv rehtor, puh. 0400 342 520

Kirjerááju

Aanaar kieldâ fáálá kirjerájupalvâlusâid váldukirjeráájust Avelist, Sämikirjeráájust Aanaar markkânist já kirjerájuautost pirrâ kieldâ. Aanaar kieldâkirjerááju lii Laapi kirjerááju -kääzi uási. Kirjeráájuin láá uđâsmuvvee materialeh luoihâtmân, lostâčuágáldâh, tábáhtusah já čáitálduvah. Kirjerááju viistijn puáhtá oppâđ já káidusporgâđ. Kirjerááju pargoviehâ parga luuhâm oovdedmáin oovtâst peivikiäjuiguin já škovlâiguin.

Kirjerájutooimâ jođetteijee, puh. 040 830 4886

Kulttuurtoimâ

Kulttuurtoimâm kuávdáš toimâmjuurdâ lii tähidiđ maaŋgâpiälálii kulttuurfalâlduv puohahasâš kieldâláid almolii pyereestvaijeem já makkum lasettem várás. Mittomeerrin lii ovdediđ kulttuur já taiđuu ovtviärdásii finnimvuođâ já maaŋgâpiälálii kevttim. Kulttuurtoimâ viggá tuárjuđ aanaarlijd kulttuursyergi astoäigituáimeid já áámmátulmuid innovativlávt sehe fáálá tievâsmittee kulttuurpalvâlusâid.

Kulttuurtoimâ tuáimá aktiivlávt ohtsâšpargoost kulttuurtuáimeiguin. Toimâm motivaation tuáimá “kulttuur kulá puohháid” -juurdâ. Kulttuurtoimâm uárnejuvvoo ohtsâšpargoost páihálij tuáimeiguin aanaarlâšvuođâ, väldikodálâšvuođâ já almugijkoskâsâšvuođâ huámmášmáin sehe innovativlávt uđđâ kulttuurfiäránij keččâlmáin. Aanaar kulttuurtoimâ čuávu laavâ kieldâi kulttuurtooimâst.

Kulttuurtoimâ västid kieldâlii elleekoveteatter Kaarre tooimâin.

Kulttuurčällee, puh 040 776 7546

Astoäigitoimâ (valastâllâmpalvâlusah já nuorâipargo)

Astoäigitoimâ västid valastâllâm astoäigitooimâi almolijn iävtuin. Kieldâ pargovievâ pargonaavcâi paijeentuállee tooimah uárnejuvvojeh ei. puddâjumpai já uccâjuávhui peht. Lasseen uárnejuvvoo maaŋgâpiälálâš eromâšjuávhui lihâdemstivrim.

Nuorâipargo tuáimá aanaarlij nuorâi pyereestvaijeem peeleest kevttimáin metodin siärvuslii nuorâitoimâm, ohtâgâslii torjuu sehe maaŋgâáámmátlii já -siärvuslii pargovyevi. Nuorâipargo olášut occee nuorâipargo já tuárju nuorâiparlament toimâm. Viestâdempáájá tuáimá nuorâi pargopááján já nuorâitieđettem maaŋgâpiälálâš toimâmkuávdážin.

Astoäigičällee, puh. 0400 172 304