Kirjerájupalvâlusah
Aanaar kieldâ fáálá kirjerájupalvâlusâid váldukirjeráájust Avelist, Sämikirjeráájust Aanaar markkânist já kirjerájuautost pirrâ kieldâ.
Kirjerááju kevttimvuoigâdvuotâ lii puohâin.
Aanaar kieldâkirjerááju lii Laapi kirjerááju -kääzi uási. Kirjerájukorttáin tust lii kevttimnáál oles Laapi kirjeráájui čuágáldâh: siämmáin korttáin puávtáh luoihâttiđ puoh Laapi kirjeráájuin já kevttiđ ohtâsijd viermiamnâstuvâid.
Kirjeráájuin lii luuhâmnáál aavisij já loostâi valjiittâs. Puávtáh kevttiđ tiäturijd, printtiđ, kopijistiđ já skannađ. Váldukirjeráájust láá meiddei digitistempiergâseh.
Palvâlemääigi pargoviehâ lii kirjeráájust tuđe várás: rävvee já uápist. Jieštoimâääigi peesah kirjeráájun vyeimist orroo kirjerájukorttáin já tubdâldâhnumeráin. Puávtáh kevttiđ kirjerááju jiešpalvâlemprinsiipáin.
Kirjerááju pargoviehâ parga luuhâm oovdedmáin oovtâst peivikiäjuiguin já škovlâiguin já eres čonâsjuávhuiguin.
Kirjeráájuin uárnejuvvojeh tábáhtusah já čáitálduvah. Kirjerááju lii tuu nubbe orroomviste, káiduspargosaje já uáppusaje.
Kaavnah kirjerájupalvâlusâid meiddei some-oolijn:
Váldukirjerááju Facebook-sijđo
print page