Haldâttâhpalvâlusah

Aanaar kieldâ haldâttâhuásádâh västid vuosâsaajeest váldustiivrâ já kieldâstiivrâ tarbâšem já kieldâ ohtâsijn haldâttâhlijn já eres palvâlusâin. Haldâttâhliih ohtâsiih palvâlusah láá ei. kieldâlii demokratia olášumán lahtojeijee já ton tuárjoo ekonomia- já toimâvuávám, konsernruttâtuálulopâttem stivrim sehe váldustiivrâ já kieldâstiivrâ tarbâšem toorjâpalvâlusah. Haldâttâhuásáduvâst láá huolâttâm meiddei kieldâ ohtâsii tiätuhaldâttuvâst já pargosuoijâlmist. Kieldâlij torvolâšvuotân já pyereestvajemân lahtojeijee vuávám oohtânheiviittem kulá haldâttâhuásáduv pargoid.

Pyereestvaijeem já tiervâsvuođâ ovdedem

Pyereestvaijeem já tiervâsvuođâ ovdedem lii aktiivlâš já ulmemiäldásâš muuneeld estâdeijee pargo, mii pargoo puoh kieldâ tooimâin. Sierâlágán toimâiguin tuárjuh kieldâlij pargo- já toimâmnaavcâid, ovdedeh já paijeentuálih pyereestvaijeem, tiervâsvuođâ, torvolâšvuođâ já uásálâšvuođâ[ nanodeh mielâtiervâsvuođâ, viggeh ucediđ aalmugjuávhui koskâsijd pyereestvaijeem- já tiervâsvuotâiäruid sehe estâdeh puácuvuođâid, paartijd, viehâvääldi já helbâm.

Pyereestvaijeemkoordinaattor puh. 040 626 1018

Säämi kielâstrategia

Aanaar kieldâ säämi kielâstrategia tuhhiittui váldustiivrâst 11.6.2020. Toimâiävtuttâsah olášuttojeh 2020-2021.

Taa peesah luuhâđ Aanaar kieldâ säämi kielâstrategia (siskeeld sämikuávlu kieldâi ohtâsii kielâstrategia) (liŋkkâ)
Uáppáásm meiddei sämitige tieđettemsijđoid:  Sämmilij kielâliih vuoigâdvuođah (liŋkkâ)