Čujottâsah já nommâvuárkká

Sajattâhkaavast adeluvvojeh noomah kaavpugoosijd, kááđoid, muorâstuvváid, markkânšiljoid já eres almolâš kuávloid. Čujottâsah já nommâvuárkká pisoh ääigi tääsist kieldâ čujottâsvuáháduvâst.

Čujottâsah adeluvvojeh sajattâhkaavast nannejum káátu- já luoddânoomâi mield. Sajattâhkaavakuávlust čujottâsnummeer miärášuvá nuuvt, ete kiäinu aalgâst kejâdijn kiäinu čižetpeln láá parâttes já uálgispeln parâliih numereh. Tuárispele kuávluin nummeer hamâšuvá loovtâ määđhist kiäinu algâčuággás.

Čujottâsâi merkkim

Kiddoduv omâsteijee hááhá já stellee čujottâsnummeerkoolbâid kiddodâhân. Sajattâhkaavakuávlust kátunommâkoolbâid hááhá já stellee kieldâ.

Kiäinui nomâttem

Teknisâš lävdikoodán puáhtá toohâđ iävtuttâs kiäinu noomâtmist. Ovtâskâs čujottâsčuosâttâhân puáhtá nomâttiđ kiäinu, jis čujottâsčuosâttâh lii olgoláá ko 200 meetter keččin nomâttum kiäinust tâi čujottâsčuosâttâh lii eromâš merhâšittee. Nommâiävtuttâs piäijoo almolávt uáinimnáál 14 jándur ááigán. Tuon ääigi kii ihánis puáhtá adeliđ noomâtmist uáivilis. Kiäinu noomâ máhđulii tuhhiittemmiärádâs maŋa kiddodâhomâsteijei vuolgâttuvvojeh uđđâ čujottâsnummeertiäđuh. Kieldâ ii stellii kiäinunommâkoolbâid priivaatkiäinoid. Kiäinunommâstuálpui stelliimân maađij piällás tarbâšuvvoo lope. Love já ravvuid uážžu väldimáin ohtâvuođâ IJP-kuávdáá jotoluv äššigâspalvâlmáin, puh. 0206 90 300 (arg. 9-16), šleđgâpostâ: liikenteen.asiakaspalvelu@ely-keskus.fi

Ravvuuh čujottâsâi pirrâ (suomâkielân)

Ote rakennusjärjestyksestä

Kuntaliiton suositukset: rakennuksen osoitemerkintä haja-asutusalueella
Kuntaliiton suositukset: rakennuksen osoitemerkintä taajamassa
Kuntaliiton suositukset: kadun- ja tiennimikilpi

Osoitekartat

Ivalon osoitekartta
Saariselän osoitekartta
Inarin kirkonkylän osoitekartta