Koijâdâllâm oovtviärdásâšvuođâst já täsiáárvust Aanaar kieldâ palvâlusâin

03.12.2024

Tiervâpuáttim árvuštâllâđ täsiáárvu já oovtviärdásâšvuođâ olášume Aanaar kieldâ palvâlusâin. Mij kevttip vástádâsâid ävkkin kieldâ oovtviärdásâšvuotâ- já täsiárvuvuávám rähtimist. Västidmáin tun lah mieldi kieldâ tooimâ oovdedmist. Västidem pištá suulân 10 minuttid.

Koijâdâlmist suogârdâlloo sierâ a) olgoštem já b) epiášálâš kohtâlem. Tain láá koijâdâlmist jieijâs uásih.

Koijâdâllâm oovtviärdásâšvuođâst já täsiáárvust Aanaar kieldâ palvâlusâin

OLGOŠTEM
Olgoštem uáivild taan koijâdâlmist tiilijd, main kieldâ pargee aasât äššigâs hyeneeb sajattâhân ave, algâpuáttim, aalmuglâšvuođâ, seksuaallii sundešume, vádulâšvuođâ teikâ eres persovnân lohtâseijee suujâ tiet tohálii agâittáá. Keevâtlávt olgoštem puáhtá leđe palvâlusân peessâm tâi palvâlus finnim vaigâdin toohâm teikâ estim tâi hyeneeb palvâlus faallâm. Olgoštem lii laavâ vuáđuld kiäldum.

EPIÁŠÁLŠ KOHTÂLEM
Epiášálâš kohtâlem uáivild taan koijâdâlmist puoh persovnân čyeccee lattim, mii lii luávkkájeijee, niävrutteijee, viehâváldálâš teikâ mudoi epiášálâš. Epiášálâš kohtâlem puáhtá leđe ovdâmerkkân piälháttâllâm, uccááttem teikâ hemâdem, moos puáhtá leđe sujâlâš palvâlus pargee tâi nubeh äššigâsah.