Kuávlu- já kieldâvaaljah 2025 Aanaar kieldâst

26.02.2025

Kuávlu- já kieldâvaaljah toimâttuvvojeh pasepeeivi 13.4.2025. Munejienâstemäigi päikkienâmist lii koskohhoost majebaargâ räi 2.-8.4.2025

Aanaar kieldâvaaljâin väljejuvvojeh 27 airâsid.

Kieldâvaljáid kyeskee valjâäššiulmui toimâttem valjâäššikirjeh ml. iävtukkâsucâmušah váldojeh vuástá kieldâtáálust, Piiskuntie 2, Avveel
(haldâttâh, 2. keerdi, tiäđuhaldâšem äššitobdee pargoviste/arkkâdâh)
majebaargâ 4.3.2025 tme 16.00 räi.

Vuástávälden tuáimá kuávdášvaljâlävdikode čällee tâi väriolmooš.
Ohtâvuotâtiäđuh: vaalit@inari.fi já p. valjâpuhelin 0405698912.

Jienâvuoigâdvuotâ kuávluvaaljâin

Kuávluvaaljâin jienâvuoigâdvuođâlâš lii juáháš majemustáá valjâpeeivi 18 ihheed tiävdám olmooš, kote lii

a) Suomâ tâi eres EU jeessânstaatâ tâi Island tâi Taažâ aalmugjeessân já kiän päikkikieldâ lii miinii koččâmušâst orroo pyereestvaijeemkuávlu kieldâid 51. peeivi (21.2.2025) ovdil valjâpeeivi; tâi

b) eres staatâ aalmugjeessân, kiän päikkikieldâ lii miinii koččâmušâst orroo pyereestvaijeemkuávlu kieldâid 51. peeivi ovdil valjâpeeivi já kiäst lii lamaš ohtânmaanoost päikkikieldâ Suomâst kyevti ive ääigi, ko rekinistoo 51. peeivist ovdil valjâpeeivi; tâi

c) Lasseen jienâvuoigâdvuođâliih láá tiätuiävtuiguin pyereestvaijeemkuávlust ässee EU já aalmugijkoskâsij seervij palvâlusâst orroo ulmuuh já sii perruujesâneh.

Jienâvuoigâdvuotâ kieldâvaaljâin

Kieldâvaaljâin jienâvuoigâdvuođâlâš lii juáháš majemustáá valjâpeeivi 18 ihheed tiävdám olmooš, kote lii

a) Suomâ tâi eres EU jeessânstaatâ tâi Island tâi Taažâ aalmugjeessân já kiän päikkikieldâ lii koččâmušâst orroo kieldâ 51. peeivi (21.2.2025) ovdil valjâpeeivi; tâi

b) eres staatâ aalmugjeessân, kiän päikkikieldâ lii koččâmušâst orroo kieldâ 51. peeivi ovdil valjâpeeivi já kiäst lii lamaš ohtânmaanoost päikkikieldâ Suomâst kyevti ive ääigi, ko rekinistoo 51. peeivist ovdil valjâpeeivi; tâi

c) Lasseen jienâvuoigâdvuođâliih láá tiätuiävtuiguin kieldâst ässee EU já aalmugijkoskâsij seervij palvâlusâst orroo ulmuuh já sii perruujesâneh.

Jienâstem valjâpeeivi kuávlu- já kieldâvaaljâin

Valjâpeeivi jienâvuoigâdvuođâlâš uážžu jienâstiđ tuš ton jienâstemsaajeest, mii lii merkkejum jienâvuoigâdvuotâregisterân já jienâsteijei poostâ peht puáttám almottâskoortân.

Jienâstem muuneeld kuávlu- já kieldâvaaljâin

Jienâvuoigâdvuođâlâš puáhtá valjâpeeivi jienâstem sajan jienâstiđ muuneeld mon peri almos munejienâstemsaajeest päikkienâmist tâi olgoenâmijn.

Jienâvuoigâdvuotâregister já almottâskorttâ

Digi- já aalmugtiätuvirgádâh ráhtá jienâvuoigâdvuođâlijn jienâvuoigâdvuotâregister já juáhážân, kote lii valdum registerân vuolgâttuvvoo majemustáá 20.3.2025 almottâs jienâvuoigâdvuođâst (almottâskorttâ), mast muštâluvvoo, ete kost já kuás puáhtá jienâstiđ.

Jienâvuoigâdvuotâregisterân kyeskee vuoigimvátámâšâid kalga toohâđ Digi- já aalmugtiätuvirgádâhân majemustáá majebaargâ 28.3.2025.

Persovnvuođâ kalga tuođâštiđ koválijn persovnvuotâtuođâštussáin

Tun koolgah väldiđ mieldi jienâstemsajan persovntuođâštus, mii puáhtá leđe vyeijimkorttâ, passâ tâi sullâsâš koválâš äššikirje. Jis Tust ij lah tággáár äššikirje, te tun puávtáh finniđ aldemuu poolislájádâsâst nuuvtá koskâpuddâsii, jienâstem várás adelum persovnkoortâ.

Valjâtoimâttâs pasepeeivi 13.4.2025

Valjâtoimâttâs olášuttoo pasepeeivi cuáŋuimáánu 13. peeivi 2025 tme 9.00–20.00 vyelni luvâttâllum soojijn

Avveel jienâstemkuávlu
Aanaar kieldâtáálu

Tiärmáá jienâstemkuávlu
Tiärmáá Keidas

Njellim jienâstemkuávlu
Njellim kerhotáálu

Aanaar jienâstemkuávlu
Aanaar sämikirjerááju/Sajos

Kaamâs jienâstemkuávlu
Kaamâs kievar, ráiđutáálu as.

Čevetjäävri jienâstemkuávlu
Čevetjäävri škovlâ

Munejienâstem 2.-8.4.2025: Jienâstemsajeh já äigitavlu:

Aanaar kieldâ váldukirjerááju, Avveel
Piiskuntie 4
AVVEEL

ko - vá
2.-4.4.2025
tme 9–18

lá - pa
5.-6.4.2025
tme 10–16

vu - ma
7.-8.4.2025
tme 9–18

Aanaar sämikirjerááju / Sajos
Menesjärventie 2 A
AANAAR

ko - tu
2.-3.4.2025
tme 12–17

vá
4.4.2025
tme 12–16

vu - ma
7.-8.4.2025
tme 12–19

Jottee jienâstemauto (kirjerájuauto) orostuvah já äigitavlu:

Koskokko 2.4.2025 Lismá, Menišjävri, Lemmee, Kaamâs

Jienâstemauto orostâh

Lismá
tme 9.00–10.15
Lismantie 2046, LISMÁ

Lemmee/Ahkun tupa
tme 11.30–13.30
Lemmenjoentie 1030, LEMMEE

Menišjävri, Korpikartano
tme 14.00–15.30
Meneskartanontie 71, MENIŠJÄVRI

Kaamâs /Kievar
tme 16. 45–18.00
Kaamasentie 2855 KAAMÂS

Tuorâstâh 3.4.2025 Njiävdám, Čevetjävri, Päärtih

Jienâstemauto orostâh

Njiävđám kävppi
tme 10.00–13.00
Sevettijärventie 12200 NJIÄVĐÁM

Čevetjäärvi škovlâ
tme 13.30–15.00
Sevettijärventie 9076, ČEVETJÄVRI

Supru
tme 15.30–16.00
Sevettijärventie, SUPRU

Päärtih, Jounila
tme 16.30–17.30
Käyräniementie 11, PÄÄRTIH

Vástuppeivi 4.4.2025 Rivdul-Aŋŋel

Jienâstemauto orostâh

Keisiluohtâ
tme 10.45–11.45
RIVDUL

Seittimukka
tme 12.00–13.15
KIÄPTUVEI

Terstontie luoddâratk.
tme 13.30–14.30
Angelintie

Aŋŋel
tme 16.00–18.00
Angelintie 6090, AŊŊEL

Vuossargâ 7.4.2025 Njellim já Suáluičielgi

Jienâstemauto orostâh

Nellimin erähotelli
tme 10.00–12.00
Nellimintie 4230, NJELLIM

Siula šiljokuávlu
tme 14.00–18.00
Kelotie 2, SUÁLUIČIELGI

Majebargâ 8.4.2025 Kuttoor, Suáluičielgi

Jienâstemauto orostâh

Kuttoor
tme 10.00–12.00
Kutturantie 4015, KUTTOOR

Siula šiljokuávlu
tme 13.00–16.00
Kelotie 2, SUÁLUIČIELGI

Päikkijienâstem

Jienâvuoigâdvuođâlâš olmooš, kiän naavcah lihâdiđ tâi toimâđ láá tommit rájášum, ete sun ij merettes vaigâdvuođâittáá peesâ almolii munejienâstem- ige valjâpeeivi jienâstemsajan, uážžu jienâstiđ muuneeld päihistis ton kieldâst, mon jienâstemkuávlu jienâvuoigâdvuotâregisterân sun lii merkkejum. Päikkijienâstmân vuoigâdvuođâlijn siämmáá tálutuálust ässee omâhâštipšoo puáhtá jienâstiđ päikkijienâstem ohtâvuođâst. Päikkijienâstem olášuttoo munejienâstemääigi.

Päikkijienâstmân vuoigâdvuođâlâš kalga almottiđ jieijâs haalust jienâstiđ muuneeld majemustáá majebaargâ 1.4.2025 tme 16.00 räi Aanaar kieldâ kuávdášvaljâlävdikoodán kirjálávt tâi puhelimáin 0405698912. Almottâs puáhtá jienâsteijee saajeest toohâđ suu valjim olmooš. Aanaar kieldâ kuávdášvaljâlävdikode čujottâs lii Piiskuntie 2, 99800 AVVEEL

Luámáttuvah kirjálii almottâs várás láá finniimist Aanaar kieldâtáálu infoost argâpeeivij tme 9–11 sehe kieldâ päikkisiijđoin www.inari.fi

Lájádâsjienâstem

Lájádâsjienâstem olášuttoo tiervâsvuođâkuávdáá seŋgâuásáduvâst, palvâlempäikki Männikköst, palvâlemkuávdáš Koivikkost, Attendo Aurora Aurora tipšopääihist já Avveel suátiviehâsaajeest munejienâstemääigi sierâ soppum ääigi.

Reivâjienâstem olgoenâmijn

Vaaljâi ääigi jienâvuoigâdvuođâliih, kiäh ääsih tâi oroh olgoenâmijn, pyehtih jienâstiđ olgoenâmijn reiváin. Jienâsteijee tiiláá jieš materiaal. Lasetiäđuh: https://vaalit.fi/kirjeaanestys

Ravvim jienâsteijeid

Väldikodálijn palvâlemnumerijn tun puávtáh koijâdiđ aašijn, moh lohtâseh valjáid já jienâstmân. Numereh láá nuuvtá já ávus argâpeeivij tme 8–16.

Valjâpalvâlemnummeer jienâsteijeid: 0800 9 4770

WhatsApp-viestâpalvâlus: 050 438 8730

Aanaar kieldâ valjâorniistâlmijn tun puávtáh koijâdiđ: vaalit@inari.fi, valjâpuhelimist 040 569 8912 tâi viestâdem- já ohtsâštoimâhovdâ Anne-Marie Kalla, p. 040 723 0697.

AANAAR KIELDÂ KUÁVDÁŠVALJÂLÄVDIKODDE

Juha Saari Anne-Marie Kalla
saavâjođetteijee čällee

print page