Maaŋgâtooimâtáálu Kuulas visteväärridmeh

Maaŋgâtooimâtáálu Kuulas viistijd pyehtih väridiđ nuuvtá seervih, kieldâorganisaatio tuáimeeh já eres tuáimeeh, kiäh ovdedeh kieldâ eellimvyeimi, siärvuslâšvuođâ, uásálâšvuođâ já láá almoshiäđuliih tuáimeeh, moh iä háputtâl puáhtusijd. Meid eres ko ovdil mainâšum tuáimeeh pyehtih laiguuttiđ viistijd jieijâs kiävtun vyeimist orroo hoodij mield. Visteh láá kevttimnáál jyehi peeivi tme 8.00 - 22.00 kooskâst.

Maaŋgâtooimâtáálu Kuulas viistijd puáhtá väridiđ eereeb iärrás čuávuváid tilálâšvuođáid

• Seervij čuákkimeh
• Tábáhtusah
• Škovliimeh
• Astoäigituáimei čokkânmeh
• Uccâ oovdânpyehtimeh
• Juávkkutoimâm (puoh ahejuávhuh)

Kuulasist láá maaŋgah sierâstuárusiih visteh, main puáhtá orniđ tooimâ. Kuulasist tuáimá argâpeeivij tme 10.00 - 13.00 Uásálâšvuotâkuávdáá stuorrâ Orroomviste (aula), mii tuáimá siärvuslâžžân, puohháid ávus čokkânemvisten. Kii peri puáhtá orniđ aulavisteest tooimâ talle-uv, jis toimâ lii puohháid áávus. Orroomviste/aula puáhtá väridiđ seervi tâi eres tuáimee kiävtun argâpeeivi tme 15.00 maŋa tâi oholoopâi ääigi, ko váldá huámmášumán viistij máhđulii eres kevttim. Viistij tärhibijd kuvviimijd tun kaavnah kevttee ravvuin, liŋkkâ lii nettisiijđo loopâst. Lasseen kiävtust láá čuákkimvisteh Tupasvilla já Kanerva sehe Suopursu, mii lii kulttuurtooimâ taaiđâčáitáldâhsaajeest.

Kuulas viistijn lii sraŋgâttes internet-ohtâvuotâ. Uásist aulaviste lii induktiovárvu. Meid videotykki lii luoihâttemnáál. Vääldi huámmášumán, ete rustigij kiävtu teknisâš toorjâ ij kulluu visteväärridmáid.

Maaŋgâtooimâtáálu Kuulas visteh väriduvvojeh puhelin peht Eija Lager 040 159 6474 tâi šleđgâpostáin čujottâsâst eija.lager@inari.fi. Viistijd ij pyevti väridiđ ijâstâlmân ige ovdâmerkkân peerâjuuhlij várás, ko taah palvâlusah láá finniimist páihálij irâtteijei tooimâst. Keejâ rijjâ viistijd Pedanet kalenderist.

Almoot jo talle, ko koijâdah väridemmáhđulâšvuođâst, čuávuváid tiäđuid:

• Väridem nommâ
• Väridem ovdâsvástádâsulmuu ohtâvuotâtiäđuh (nommâ, puhelinnummeer já šleđgâpostâčujottâs) sehe máhđulâš servi tâi eres peeli, mon noomâst tun toovah väridem
• Väridemnáál viste
• Äigi: ohopeivi, peivimeeri já tijmeäigi, kuás jieš toimâ/čuákkim álgá já nohá.
• Vääldi huámmášumán talle, ko toovah väridem, ete taarbâš-uv tuu toimâ eromâš kuhes valmâštâllâmääigi tâi loppâčurgim.
• Kuulasist láá šleđgâluuhah, moid viistij kevttee finnee šleđgâlii jotteemčovduu. Tärhibijd tiäđuid tun finniih, ko väridah viste.
• Keejâ taa kevttee ravvuid.

Maaŋgâtooimâtáálu Kuulas eres viistij väridem:

• Lihâdemsali, tanssâ- já joogasali: Tuija Mikkonen / tuija.mikkonen@inari.fi
• Kulttuurluokka já taaiđâčáitáldâhviste: Mirja Karjalainen / mirja.karjalainen@inari.fi
• Aalmuglâšopâttuv visteh: Jyrki Kivi / jyrki.kivi@inari.fi