Aanaar kylái rääđi

Aanaar kylái rääđi lii kylái koskâsâš sehe kylái já kieldâ koskâsâš ravvui adeleijee ohtsâšpargo- já ovdedemorgaan. Rääđi ulmen lii ovdediđ kylái ässei ohtsâšpargo, jiešráđálâšvuođâ já kylái eellimvyeimi sehe toimâđ ässei ohtâsij hiäđui koccen já viggâđ ovdediđ kylái ässei áigápuátumáhđulâšvuođâi iävtuid sehe ovdediđ palvâlusâi siäilum kuávlust já palvâlusâi finnim kuávlun. Aanaar kylái rääđi lii vuáđudum 18.10.2011. Aanaar kieldâ lii adelâm rääđi kiävtun čuákkimij čällee, já kieldâ västid čuákkimkoloin.

Ulmes olášuttem várás Aanaar kylái rääđi

• kärttee já koordinist kylái táárbuid já jurduid,
• uásálist kyláid kyeskee vuávámân já viggá vaiguttiđ kylái tááhust positiivlii miärádâstohâmân kieldâst já sierâ organisaatioin,
• taha alguid já iävtuttâsâid sehe addel ciälkkámušâid kieldân, virgeomâháid já eres uásipeelijd kyláid kyeskee aašijn,
• viggá vaiguttiđ kyláid kyeskee kieldâ puátteevuođâ vuávámáid já ovdedempaargon,
• ovdeed kylái eellimvyeimi, ton ässei makkum já pyereestvaijeem sehe palvâlusâi siäiludem já lääččim pyeredeijee tooimâid,
• uárnee čuákkimijd já tilálâšvuođâid sehe tábáhtusâid já
• tuáimá eres-uv ovdebáiguin verdidittee vuovijguin jieijâs ulme olášuttem várás.

Aanaar kylái rääđi lii piäládâhpoolitlávt čonâsmettum já kuávlulávt täsipiälálâš.