Čuávu meridempargo

Kieldâst meriduvvoo stuorrâ meereest sierâlágán aašijn, moh kuoskâtteh jyehi kieldâlii aargâ. Uási tain vaaigut njuolgist puoh kieldâlij elimân, uási vist ovdâmerkkân tiätu ahejuávkun čujottum palvâlussáid tâi tiätu Aanaar kieldâ kuávlu palvâlussáid.

Uážuh tiäđu meridempargoost virgálij oolij peht. Viermist láá luuhâmnáál eereeb iärrás váldustiivrâ, kieldâstiivrâ já lävdikuudij äššilistoh já pevdikirjeh. Lasseen kielâ sierâ toimâorgaanij toohâm miärádâsah kávnojeh miärádâsluvâttâlmijn, main tieđettuvvoo tohhum miärádâsâin jo ovdil ko čuákkim pevdikirje almostittoo. Kieldâ virgehaldâšeijei virgepargonis toohâm miärádâsah kávnojeh virgehaldâšeijeemiärádâsâin. Kieldâ viermisiijđoin kávnojeh lasseen kieldâ strategiah, ohjelmeh já vuávámeh sehe budjeteh, moh stivrejeh kieldâ tooimâid. 

Váldustiivrâ čuákkimij čuávvum

Alemuu meridemvääldi kieldâst kiävttá kieldâ váldustivrâ. Kieldâ váldustiivrâ čuákkimeh láá áávus puoh perustum ulmuid, já táválávt kii peri puáhtá puáttiđ čuávvuđ čuákkim stivrâsalin. Puoh kieldâ váldustiivrâ čuákkimeh vuolgâttuvvojeh njuolgist jo-uv video- tâi radiovuolgâttâssân.

Váldustiivrâ čuákkimeh uárnejuvvojeh táárbu mield. Liiŋkah čuákkimij čuávvumân lasettuvvojeh kieldâ viermisiijđon ovdâsiijđo tiäđáttâssáid