Nuorâi vaiguttem
Nuorâiparlament vuájá nuorâi aašijd
Nuorâiparlament lii ohtâ uáli, mon peht nuorâi jurduid puáhtá uážžuđ pyeremusávt oovdân. Nuorâin lii vuoigâdvuotâ ettâđ jieijâs uáivil sijjân kyeskee aššijd já uásálistiđ ohtâsij aašij vuávámân. Nuorâiparlament ovdâsteijeeh tuáimih aanaarlij nuorâi peeleest sárnon.
Nuorâiparlament hamâšuvá love eidusii jesânist já muáddi škovlâkuáhtásii värijesânist. Nuorâiparlament joođeet kulmâ jeessân hammim saavâjođetteijeekodde, moos kuleh saavâjođetteijee, värisaavâjođetteijee já čällee. Nuorâi iššeen lii meiddei toorjârävisolmooš.
Luuvâ lase nuorâiparlamentist já nuorâiparlament čuákánpiejâmist tääbbin.
Nuortenideat.fi
Nuortenideat.fi lii väldikodálâš nuorâi vaiguttempalvâlus, mon iššijn nuorah pyehtih älkkeht toohâđ iävtuttâsâid, uásálistiđ já vaiguttiđ sijjân kyeskee aašijn.
Nuorâi palvâlusâst vuolgâttem jurduuh sirdojeh ovdâskulij ääšist merideijee ulmui Aanaar kieldâst.
Ideist, uásálist já vaaigut Nuortenideat.fi-palvâlusâst.
Sämitige nuorâirääđi
Sämitige nuorâirääđi valmâštâl taid sämitige ciälkkámušâid, alguid já eres uáivilijd, moh kyeskih säminuoráid tâi säminuorâi eellimtiilijd. Eres nuorâirääđi váldupargoh láá ovdediđ säminuorâi kielâlijd já kulttuurlijd vuoigâdvuođâid pirrâ Suomâ sehe nanodiđ säminuorâi kuullâmvuođâ sämikulttuurân.
print page