BE-BÁLVALUSAT šadde gieldda bálvalussan 1.1.2025

Jagi 2025 álggus BE-bálvalusat sirdásedje gielddaid bargun ja stáhta bargo- ja ealáhusdoaimmahagat elege BE-doaimmahagat heaittihuvvojedje. Bargofápmobálvalusat leat dál oassin juohke gieldda vuođđobálvalusaid, seamma láhkái go vaikke čuvgehus- dahje servodathuksemii laktáseaddji bálvalusat.

Bargofápmobálvalusaid vehkiin sihke persovdna- ja fitnodatáššehasat ožžot rávvema ja bagadallama bargoohcamii ja bargiid rekryteremii sihke máhtu ovddideapmái.

Davvi- ja Nuorta-Lappi barggolašvuođaguovlu álggahii doaimmas

BE-ođastusas Supmii šattai ođđa málle, mas gielddat dahje gielddaid ovttas ásahan barggolašvuođaguovllut vástidit bargofápmobálvalusain.

Mii Anára  gielddas ordnet bargofápmobálvalusaid ovttas čiežain eará gielddain ja mii leat ovttas Davvi- ja Nuorta-Lappi barggolašvuođaguovlu. Barggolašvuođaguovllu ovddasvástádusgieldan doaibmá Soađegilli.

Davvi- ja Nuorta-Lappi barggolašvuođaguovllu gávcci gieldda leat

• Anár
• Giemajávri
• Pelkosenniemi
• Posio
• Salla
• Suovvaguoika
• Soađegilli
• Ohcejohka

Maid nuppástus mearkkaša?

Jos don leat juo BE-bálvalusaid áššehas, de don it dárbbaš dahkat maidige erenomážiid, vaikko bálvalusfálli lotnašuvvá jagimolsašumis. Mii dieđihat vejolaš nuppástusain dáin siidduin ja váldit dutnje oktavuođa dárbbu mielde maiddái persovnnalaččat.

Jos dárbbašat bargofápmobálvalusa vuosttas geardde, sáhtát álo jorgalit iežat gieldda beallai, gos du rávvejit ovddosguvlui. Lassedieđu ja ráđi barggu ohcamii dahje bargiid rekryteremii oaččot maiddái iežat gieldda neahttasiidduin dahje Työmarkkinatoris.

Työmarkkinatori, bargguid ja bargiid gávnnadanbáiki

Go ozat bargguid dahje bargiid, don galggat čálihit álo sisa Työmarkkinatorii, mii doaibmá bargguid ja bargiid gávnnadanbáikin.

Työmarkkinatoris gávnnat bargoeallimii laktáseaddji dieđu, bálvalusaid ja rabas bargosajiid. Go čálihat iežat sisa Työmarkkinatorii, beasat dahkat ovdamearkka dihte bargoohcanprofiilla dahje bargosadjealmmuhusa. Työmarkkinatoris gávnnat maiddái viidát rávvagiid áššiid dikšuma várás.

Työmarkkinatori Guovlosiidduin gávnnat áigeguovdilis dieđu guovllu rabas bargosajiin, bálvalusain ja ođđasiin sihke dehálamos oktavuođadieđuid.