Teknihkalaš bálvalusat

Teknihkalaš doaimma bargun lea doaibmi ja dorvvolaš eallinbirrasa bargan ja bajásdoallan ássamii, bargamii ja asttuáigái. Teknihkalaš bálvalusat vástidit gieldda hukseheamis, huksemis ja bajásdoallan- ja geavahanbargguin.

Sadjebálvalus oamasta gieldda vuođđobálvalanbuvttadeami giddodagaid, maid dat láigoha eará hálddašangottiide. Sadjebálvalus buvttada divvun-, fuolahus- ja buhtistanbálvalusaid iežas giddodagaid lassin maiddái muhtin veardde eará gieldakonseartna giddodagaide.

Teknihkalaš doaimma alimus mearrádusaid dahkki orgána lea teknihkalaš lávdegoddi, man doaibmasuorgái gullet:

• sajádatlávven ja birrasa plánen
• eanageavahan- ja huksenlága mielde huksengohcineiseváldin doaibman
• johtolatgeainnuid, gáhtaid, toarggaid, párkkaid, geinnodagaid jed. gohcin, dikšun ja huksen ja priváhtageaidnoáššit
• sajádatbálvalusat -fidnolágádus
• barggut healbbahanfievrolága mielde

  ---

  Huksengohcin

Huksengohcin stivre ja rávve olbmuid, geat áigot hukset.

Huksengohcin fuolaha huksemis oppalaš ovdamuni geahččanguovllus. Huksema stivrejit eanageavahan- ja huksenláhka ja -ásahusa lassin sajádat- ja gáddesajádatlávat, oppalašlávat ja Anára gieldda huksenortnet.

Eiseválddi bargun lea gohcit huksejuvvon birrasa bajásdoallama ja guoibmáivuođa. Anára gieldda huksengohcineiseváldi lea teknihkalaš lávdegoddi.

Maiddái boares lobiid laktáseaddji áššiin sáhtát leat oktavuođas huksengohcimii. Boares lohpegovaid bivdagat áššehasbálvalusa rávdnjepostii rakennusvalvonta@inari.fi.

Lávvabargu

Lávvabargu vástida eanangeavahusa plánemis ja válmmaštallá sajádatlávaid, gáddesajádatlávaid ja oppalašlávaid. Lávaid válmmaštaladettiin áššehasain ja earáin áššis beroštuvvan olbmuin lea lávvaproseassa áigge vejolašvuohta cealkit oaivilasaset áššis.

Oahpásmuva lávvabargui ja oassálastte

Jahkásaččat julggaštuvvo lávvageahčastat, mii ovdanbuktá lávvabargočuozáhaga ja eará eanangeavahusa plánema áigeguovdilis áššiid. Jagi áigge bohtet dávjá maiddái ovdan ođđa lávvadárbbut, mat eai leat leamašan dalle go lávvageahčastaga barge. Buot lávvaprošeavttaid álggaheamis dieđihuvvo sierra gulahusain báikkálašaviisa Inarilainenis ja gieldda neahttasiidduin.

Lávvabargui sáhttá oassálastit dan sierra muttuin ovdamearkan kommenteremiin áigeguovdilis lávaid nappo oaidnimis leahkki lávvahápmosiid ja lávvaevttohusaid. Oassálastin ja oaivila muitaleapmi gánneha dalán lávvaprošeavtta álggus!

Fámus leahkki lávaid oktan lávvamearrádusaiguin gávnnat Anára gieldda kártabálvalusas.
Áššehasbálvaleapmi čujuhusas kaavoitus@inari.fi

 Sähköpostiosoitteet ovat muotoa
 etunimi.sukunimi@inari.fi