Bargofápmobálvalusat ođasmuvvet jahkemolsumis - buresboahtin Davvi- ja Nuorta-Lappi barggolašvuođaguovllu áššehassa

02.01.2025

Bargofápmobálvalusat sirdásit jahkemolsašumis stáhtas gielddaide. Sirdáseami áigge geahččalit dorvvastit áššehasaide njuovžilis bálvalusaid, liikka jagi vuosttaš beivviid bálvalusain sáhttet leat vigit ja geavahanboatkagat.

Jagi álggus fápmui boahtán BE-ođastus lea historjjálaš viiddis ja olles gieldagietti guoskevaš ođastus, mii lea gáibidan gielddain ráhkkaneami ja várrema máŋgga suorggis. Ná viiddis ođastussii gullet sirdásanmuttus maiddái hástalusat, mat sáhttet muhtun bottuin áitit bálvalusaid njuovžilis joatkašuvvama. 

Doaimmas jagi álggus álggahan Davvi- ja Nuorta-Lappi barggolašvuođaguovlu geahččala dorvvastit áššehasaid bálvalusaid, muhto álgomuttus earálágan vigit, geavahanboatkagat ja maŋŋoneamit leat vejolaččat.

Vaikke BE-doaimmahagat leat heaittihuvvon, EJB-guovddážiid sihke BE-doaimmahagaid ovddidan- ja bálvalanguovddáš, nappo KEHA-guovddáš stivre boahtteáiggisge bargoohcciid ja bargoaddiid áššiid iešdikšunkanála Bargomárkantoargga (Työmarkkinatori).  Bargomárkantoarga bissu danin boahttevuođasge elektrovnnalaš áššiid dikšunkanálan.  Bargomárkantoargga Áššiiddikšun-oasis sáhtát almmuhit bargoohccin, almmuhit nuppástusas barggu ohcamis dahje guođđit oktavuođaváldinbivdaga.

Jus don galggat registreret bargoohccin itge beasa vuogádahkii sisa, sáhtát váldit oktavuođa Davvi- ja Nuorta-Lappi barggolašvuođaguovllu almmolaš oktavuohtanummárii: telefonnummar 0400 610 870 bálvala árgabeivviid dmu 9-15.

Loga lasi bargofápmobálvalusain Davvi- ja Nuorta-Lappi barggolašvuođaguovllus dáppe: Bargofápmobálvalusat | Soađegili gielda

Dás lea gažaldat

Jagi molsašuvadettiin almmolaš bargofápmobálvalusaid ordnenovddasvástádus sirdásii stáhtas gielddaide. Ođastusa mielde Supmii šadde 45 gielddaid oktiičatnan barggolašvuođaguovllu, maid ovddasvástádusas lea hálddahuslaččat bálvalusaid ordnen.

Lappis álggahedje njeallje barggolašvuođaguovllu doaimma: Mearra-Lappi, Davvi- ja Nuorta-Lappi, Rovaguovllu, Duottar-Lappi ja Pello bargguhisvuođaguovllut.

Davvi- ja Nuorta-Lappi barggolašvuođaguovllu dahket dát gávcci gieldda: Anár, Kemijärvi, Pelkosenniemi, Posio, Salla, Savukoski, Soađegilli ja Ohcejohka. Soađegilli lea barggolašvuođaguovllu ovddasvástádusgielda.

BE-bálvalusaid sirdáseapmi gielddaide oaivvilda sirdáseami stáhta čohkkejuvvon vuogádagas háddjejuvvon gieldavuđot bálvalanvuogádahkii.