Guovlo- ja gielddaválggat 2025 Anára gielddas
18.02.2025
Guovlo- ja gielddaválggat doaimmahuvvojit sotnabeaivve 13.4.2025. Ovdajienastanáigi ruovtturiikkas lea gaskavahkus gitta maŋŋebárgii 2.-8.4.2025
Anára gielddaválggain válljejuvvojit 27 áirasa
Gielddaválggaide guoskevaš válgaáššeolbmuid doaimmahan válgaáššegirjjiid, maid evttohasohcamušaid, váldit vuostá gielddadálus, Piiskuntie 2, 99800 Avvil
(hálddahus, 2. geardu, diehtohálddašeami áššedovdi bargolatnja/arkiiva)
maŋŋebárgga 4.3.2025 dii 16.00 rádjái.
Vuostáváldin doaibmá guovddášválgalávdegotti čálli dahje várreolmmoš.
Oktavuođadieđut: vaalit@inari.fi ja tel. válgatelefon 0405698912.
Jietnavuoigatvuohta guovloválggain
Guovloválggain jietnavuoigatvuohta lea juohke maŋimustá válgabeaivvi 18 jagi deavdi olbmos, guhte lea
a) Suoma dahje eará EU:a lahttoriikka dahje Islándda dahje Norgga riikkavuloš ja gean ruovttugielda lea muhtin ságavuloš buresveadjinguvlui gullevaš gielda 51. beaivvi (21.2.2025) ovdal válgabeaivvi; dahje
b) eará riikka riikkavuloš, gean ruovttugielda lea muhtin ságavuloš buresveadjinguvlui gullevaš gielda 51. beaivvi ovdal válgabeaivvi ja geas lea leamaš ruovttugielda Suomas boatkankeahttá guovtte jagi áigi rehkenaston 51. beaivvis ovdal válgabeaivvi; dahje
c) Lassin jietnavuoigatvuohta lea dihtto eavttuiguin buresveadjinguovllus ássi EU:a ja riikkaidgaskasaš organisašuvnnaid bálvalusas leahkki olbmuin ja sin bearašlahtuin.
Jietnavuoigatvuohta gielddaválggain
Gielddaválggain jietnavuoigatvuohta lea juohke maŋimustá válgabeaivvi 18 jagi deavdi olbmos, guhte lea
a) Suoma dahje eará EU:a lahttoriikka dahje Islándda dahje Norgga riikkavuloš ja gean ruovttugielda ságavuloš gielda lea 51. beaivvi (21.2.2025) ovdal válgabeaivvi; dahje
b) eará riikka riikkavuloš, gean ruovttugielda ságavuloš gielda lea 51. beaivvi ovdal válgabeaivvi ja geas lea leamaš ruovttugielda Suomas boatkankeahttá guovtte jagi áigi rehkenaston 51. beaivvis ovdal válgabeaivvi; dahje
c) Lassin jietnavuoigatvuohta lea dihtto eavttuiguin gielddas ássi EU:a ja riikkaidgaskasaš organisašuvnnaid bálvalusas leahkki olbmuin ja sin bearašlahtuin.
Jienasteapmi válgabeaivvi guovlo- ja gielddaválggain
Válgabeaivvi jietnavuoigatvuođalaš oažžu jienastit dušše dan jienastanbáikkis, mii lea merkejuvvon jietnavuoigatvuođaregistarii ja jienasteaddjái poastta mielde boahtán almmuhuskortii.
Ovddalgihtii jienasteapmi guovlo- ja gielddaválggain
Jietnavuoigatvuođalaš sáhttá válgabeaivvi jienasteami sajis jienastit ovddalgihtii man beare almmolaš ovdajienastanbáikkis ruovtturiikkas dahje olgoriikkain.
Jietnavuoigatvuođaregisttar ja almmuhuskoarta
Digi- ja álbmotdiehtovirgedoaimmahat ráhkada jietnavuoigatvuođalaččain jietnavuoigatvuođaregistara ja juohke registarii váldojuvvon olbmui sáddejuvvo maŋimustá 20.3.2025 almmuhus jietnavuoigatvuođas (almmuhuskoarta), mas muitaluvvo gos ja goas sáhttá jienastit.
Jietnavuoigatvuođaregistarii guoskevaš vuigengáibádusaid galgá dahkat Digi- ja álbmotdiehtovirgedoaimmahahkii maŋimustá maŋŋebárgga 28.3.2025.
Identitehta galgá duođaštit govalaš identitehtaduođaštusain
Váldde fárrui jienastanbáikái áinnas identitehtaduođaštusa, mii sáhttá leat vuodjinkoarta dahje pássa dahje sullasaš govalaš áššegirji. Juos Dus ii leat dákkár áššegirji, sáhtát fidnet lagamus boleslágádusas mávssu haga gaskaboddosaš, jienasteami várás addin láhkái persovdnakoartta.
Válgadoaimmahus sotnabeaivvi 13.4.2025
Válgadoaimmahus čađahuvvo sotnabeaivvi 13. beaivvi cuoŋománu 2025 dii 9.00–20.00 vulobealde logahallon báikkiin:
Avvila jienastanguovlu
Anára gielddadállu
Dearpmáža jienastanguovlu
Törmäsen Keidas
Njellima jienastanguovlu
Njellima kerhodállu
Anára jienastanguovlu
Anára sámegirjerájus/Sajos
Gápmasa jienastanguovlu
Kaamasen kievari, ráidodállu ás.
Čeavetjávrri jienastanguovlu
Čeavetjávrri skuvla
Ovdajienasteapmi 2.-8.4.2025: Jienastanbáikkit ja áigedávval:
Anára gieldda váldogirjerájus, Avvil
Piiskuntie 4
Avvil
ga - be 2.-4.4.2025 dii 9–18
lá - so 5.-6.4.2025 dii 10–16
vu - ma 7.-8.4.2025 dii 9–18
Anára sámegirjerájus / Sajos
Menesjärventie 2
Anár
ga - du 2.-3.4.2025 dii 12–17
be 4.4.2025 dii 12–16
vu - ma 7.-8.4.2025 dii 12–19
Johtti jienastanbiilla (girjebiila) bissehagat ja áigedávval:
Gaskavahkku 2.4.2025 Lismá, Menešjávri, Leammi, Gámas
Jienastanbiilla bissehagat
Lismá
dii 9.00–10.15
Lismantie 2046, LISMÁ
Leammi/Ahkun tupa
dii 11.30–13.30
Lemmenjoentie 1030, LEAMMI
Menešjávri, Korpikartano
dii 14.00–15.30
Meneskartanontie 71, MENEŠJÁVRI
Gámas /Kievari
dii 16. 45–18.00
Kaamasentie 2855, GÁMAS
Duorastat 3.4.2025 Njávdán, Čeavetjávri, Bárttet
Jienastanbiilla bissehat
Njávdáma gávpi
dii 10.00–13.00
Sevettijärventie 12200, NJÁVDÁN
Čeavetjávrri skuvla
dii 13.30–15.00
Sevettijärventie 9076, ČEAVETJÁVRI
Supru
dii 15.30–16.00
Sevettijärventie, SUPRU
Bárttet, Jounila
dii 16.30–17.30
Käyräniementie 11, BÁRTTET
Bearjadat 4.4.2025 Rivdul-Áŋŋel
Jienastanbiilla bissehat
Keisilahti
dii 10.45–11.45
RIVDUL
Seittimukka
dii 12.00–13.15
KETTUJOKI
Terstontie luoddaearru
dii 13.30–14.30
Angelintie
Áŋŋel
dii 16.00–18.00
Angelintie 6090 ÁŊŊEL
Vuossárga 7.4.2025 Njellim ja Suoločielgi
Jienastanbiilla bissehat
Njellima meahccehotealla
dii 10.00–12.00
Nellimintie 4230, NJELLIM
Siula šilju
dii 14.00–18.00
Kelotie 2, Suoločielgi[NJ2]
Maŋŋebárga 8.4.2025 Guhttur, Suoločielgi
Jienastanbiilla bissehat
Guhttur
dii 10.00–12.00
Kutturantie 4015
Siula šilju
dii 13.00–16.00
Kelotie 2, Suoločielgi
Ruovttus jienasteapmi
Jietnavuoigatvuođalaš olmmoš, gean lihkadan- dahje doaibmannávccat leat dan meare ráddjejuvvon, ahte son ii beasa mearehis váttisvuođaid haga almmolaš ovdajienastan- iige válgabeaivvi jienastanbáikái, oažžu jienastit ovddalgihtii ruovttustis dan gielddas, man jienastanguovllu jietnavuoigatvuođaregistarii son lea merkejuvvon. Ruovttujienasteapmái vuoigadahtton olbmuin seammá dállodoalus ássi oapmahašdivššár sáhttá jienastit ruovttujienasteami oktavuođas. Ruovttujienasteapmi čađahuvvo ovdajienastanáiggi.
Ruovttujienasteapmái vuoigadahtton olmmoš ferte almmuhit iežas hálu jienastit ovddalgihtii ruovttustis maŋimustá maŋŋebárgga 1.4.2025 ovdal dii 16.00 Anára gieldda guovddášválgalávdegoddái čálalaččat dahje telefovnnain 0405698912. Almmuhusa sáhttá jienasteaddji beales dahkat su válljen olmmoš.
Anára gieldda guovddášválgalávdegotti čujuhus lea Piiskuntie 2, 99800 AVVIL. Skovit čálalaš almmuhusa várás leat fidnemis Anára gielddadálu rávvemis árgabeivviid dii 9-11 sihke gieldda ruovttusiidduin www.inari.fi
Lágádusjienasteapmi
Lágádusjienasteapmi čađahuvvo dearvvasvuođaguovddáža seaŋgaossodagas, bálvalanruoktu Männikkös, bálvalanguovddáš Koivikkos, Attendo Aurora dikšuruovttus ja Avvila váktagottis ovdajienastanáiggi sierra soahpan láhkái áiggi.
Reivejienasteapmi olgoriikkain
Válggaid áiggi olgoriikkain ássi dahje orodeaddji jietnavuoigatvuođalaččat sáhttet jienastit reivviin olgoriikkain. Jienasteaddji diŋgo materiála ieš. Lassedieđut (suomagillii)[NJ4] : https://vaalit.fi/kirjeaanestys
Rávven jienasteaddjiide
Sáhtát jearrat válggaide ja jienasteapmái laktáseaddji áššiin váldegottálaš bálvalannummiriin. Nummirat leat nuvttá ja rabas árgabeivviid dii 8–16.
Válgabálvalannummir jienasteaddjiide: 0800 9 4770
WhatsApp-diehtobálvalus: 050 438 8730
Anára gieldda válgaordnestallamiin sáhtát jearrat: vaalit@inari.fi, válgatelefovnnas 040 569 8912 dahje kommuniseren- ja ovttasdoaibmanhoavda Anne-Marie Kalla, tel. 040 723 0697.
ANÁRA GIELDDA GUOVDDÁŠVÁLGALÁVDEGODDI
Juha Saari Anne-Marie Kalla
ságadoalli čálli
print page