Jearahallan ovttaveardásašvuođa ja dásseárvvu birra Anára gieldda bálvalusain

03.12.2024

Bures boahtin árvvoštallat dásseárvvu ja ovttaveardásašvuođa ollašuvvama Anára gieldda bálvalusain. Mii ávkkástallat vástádusaid gieldda ovttaveardásašvuođa- ja dásseárvoplána ráhkadeamis. Vástidemiin don leat mielde ovddideamin gieldda doaimmaid. Vástideapmi bistá sullii 10 minuhta.

Jearahallan ovttaveardásašvuođa ja dásseárvvu birra Anára gieldda bálvalusain

Jearahallamis sirrejuvvojit a) vealaheapmi ja b) eahpeáššálaš gieđahallan. Dain leat iežaset oasit jearahallamis.

VEALAHEAPMI
Vealaheapmi oaivvilda dán jearahallamis diliid, main gieldda bargi bidjá áššehasa earáid ektui heajut sajádahkii agi, álgoboahtimuša, riikkavulošvuođa, seksuálalaš soju, lámisvuođa dahje eará olbmui laktáseaddji ášši dihte dohkálaš ákka haga. Geavatlaččat vealaheapmi sáhttá leat bálvalussii beassama dahje bálvalusa fidnema váttisin dahkan dahje eastin dahje heajut bálvalusa fállan. Vealaheapmi lea gildojuvvon lágain.

EAHPEÁŠŠÁLAŠ GIEĐAHALLAN
Eahpeáššálaš gieđahallan oaivvilda dán jearahallamis buot olbmui čuohcci loavkideami, vuolideaddji, veahkaválddálaš dahje eará láhkái eahpeáššálaš láhttema. Eahpeáššálaš gieđahallan sáhttá leat ovdamearkka dihte bilkideapmi, uhcášeapmi dahje hehtten, man dahkkin sáhttet leat bálvalusa bargi dahje eará áššehasat.