Čuovo mearrádusdahkama

Gielddas mearridit stuorra mearis iešguđetlágan áššiin, mat guoskkahit juohkehačča gielddas. Oassi dain váikkuhit njuolga buot gieldalaččaid eallimii, oassi fas ovdamearkan dihto ahkejovkui plánejuvvon bálvalusaide dahje dihto Anára gieldda guovllu bálvalusaide.

Dieđu mearrádusdahkamis oaččot virggálaš kanálaid bokte. Neahtas leat lohkanláhkái earret eará váldostivrra, gielddaráđđehusa ja lávdegottiid evttohuslisttut ja beavdegirjjit. Lassin gieldda iešguđet doaibmaorgánaid dahkan mearrádusat gávdnojit mearráduslisttuin, gos dieđihit dahkkon mearrádusain juo ovdal go čoahkkima beavdegirji julggaštuvvo. Gieldda virgeolbmuid virgebargun dahkan mearrádusat gávdnojit virgeolbmuid mearrádusain. Gieldda neahttasiidduin gávdnojit lassin gieldda strategiijat, prográmmat sihke plánat ja bušeahttaárvalus, mat stivrejit gieldda doaibmama. 

Váldostivrra čoahkkima čuovvun

Alimus mearridanválddi gielddas geavaha váldostivra. Váldostivrra čoahkkimat leat rahpasat buohkaide, ja dábálaččat gii beare sáhttá boahtit čuovvut čoahkkima váldostivrasálii. Buot váldostivrra čoahkkimat streamejuvvojit njuolga juogo video- dahje rádiosáttan.

Váldostivra čoahkkana dárbbu mielde. Liŋkkat čoahkkimiid čuovvumii lasihuvvojit gieldda neahttasiidui ovdasiiddu dieđáhusaide.