Osolašvuođaguovddáš Ainola
Osolašvuođaguovddáš Ainola lea buohkaide rabas deaivvadan- ja dáhpáhusbáiki, mii lea rabas árgabeivviid dmu 9.00-14.00. Aino lea Avvila guovddážis, čujuhusas Petsamontie 9.
Ainolas sáhtát ovdamearkan deaivvadit eará olbmuid, lohkat aviissaid, gáfestallat dahje geavahit áibmofierpmádaga. Ainolas fidne maiddái digiveahki ja rávvema ovdamearkan gieldda, ÁEL, TE-doaimmahaga dahje servviid fállan bálvalusaid geavaheapmái. Lassin Ainola sajiid sáhttá várret nuvttá servviide, gieldaorganisašuvnna doaibmiide ja eará doaibmiide, geat ovddidit gieldda eallinfámu, searvvušlašvuođa ja osolašvuođa ja leat oppalaččat ávkkálaččat doaibmit, mat eai geahččal oažžut vuoittu.
Ainola sajiid sáhttá várret earret eará čuovvovaš dilálašvuođaide:
- Servviid čoahkkimat
- Dáhpáhusat
- Skuvlejumit
- Áiggeáddjiid čoahkkaneamit
- Unna čájáhusat
- Joavkodoaibman (buot ahkejoavkkuide)
Loga lasi Ainola sadjevárremiin Ainola geavaheaddji rávvagiin.
Ainolas lea Virtu-bálvalančuokkis, gos sáhttá geavahit govvatelefovdnabálvalusaid, neahta bálvalusaid, printet, kopieret ja skánnet áššegirjjiid ja máksit rehkegiid sáhcokodalohkkiin. Virtu-bálvalanguovddáža sáhttet várret priváhtaolbmot dahje searvvit dahje eará doaibmit, geat háliidit ovdamearkan oahpásmuvvat Virtu-čuoggá doaimmaide.
Ainola oktavuođadieđut
Osolašvuođaguovddáš Ainola
Petsamontie 9
99800 Avvil
osallisuuskeskus.ainola@inari.fi
print page