Anára giliid ráđđi

Anára giliid ráđđi lea giliid gaskasaš ja giliid ja gieldda gaskasaš ráđđeaddi ovttasbargo- ja ovddidanorgána. Ráđi ulbmilin lea ovddidit giliid ássiid ovttasbarggu, iešheanalašvuođa ja giliid eallingelbbolašvuođa ja doaibmat ássiid oktasaš ovdduid gohccin ja geahččalit ovddidit giliid ássiid áigáiboahtovejolašvuođa eavttuid ja ovddidit bálvalusaid seailuma guovllus ja bálvalusaid oažžuma guvlui. Anára giliid ráđđi lea vuođđuduvvon 18.10.2011. Anára gielda lea addán ráđi geavahussii čoahkkimiid čálli, ja gielda vástida čoahkkingoluin.

Ulbmilis ollašuhttin dihte Anára giliid ráđđi

• kárte ja koordinere giliid dárbbuid ja ideaid,
• oassálastá giliid guoski plánemii ja geahččala váikkuhit giliid dáfus positiiva mearrádusdahkamii gielddas ja iešguđet organisašuvnnas,
• bargá álgagiid ja evttohusaid ja addá cealkámušaid gildii, virgeoapmahaččaide ja eará oassebeliide giliid guoski áššiin,
• geahččala váikkuhit giliide guoski gieldda boahttevuođa plánaide ja ovddidanbargui,
• ovddida gielddaid eallingelbbolašvuođa, dan ássiid loaktima ja buresveadjima ja bálvalusaid seailuma ja dahkama eavttuid buorideaddji doaibmabijuid
• ordne čoahkkimiid ja dilálašvuođaid ja dáhpáhusaid ja
• doaibmá earáge ovdalis namuhuvvon vugiiguin vuoi ollašuhttá ulbmilasas.

Anára giliid ráđđi lea bellodatpolitihkalaččat čatnasmeahttun ja guovlluid dáfus objektiivvalaš.